منتدى ريرى
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى ريرى

(منتدى ريرى) منتدى نسائى يهتم بكل مايخص المراة فى شئون حياتها
 
الرئيسيةالبوابةأحدث الصورالتسجيلدخول

 

 ماسكات للبشرة الجافة

اذهب الى الأسفل 
كاتب الموضوعرسالة
Admin
Admin
Admin


عدد المساهمات : 18
تاريخ التسجيل : 17/08/2009

ماسكات للبشرة الجافة Empty
مُساهمةموضوع: ماسكات للبشرة الجافة   ماسكات للبشرة الجافة I_icon_minitimeالجمعة أغسطس 21, 2009 6:07 pm

ماسك للبشرة الجافة

ماسكات للبشرة الجافة Kamar_03

وعلى فكرة الماسك ده مش بيساعد على التخلص من جفاف البشرة وبس، لا ده كمان بيساعد على تغذية البشرة وده لأنه بيحتوي على مجموعة هايلة من العناصر الطبيعية المغذية للبشرة...

ومكوناته هي:

ملعقة كبيرة من بشر الليمون..
ملعقة كبيرة من بشر البرتقال..
ملعقة كبيرة من (الدقيق)..
نقطتان من عصير الليمون..
نقطتان من عصير البرتقال..
ثلاث نقاط من زيت اللوز..

وعشان تحضريه..

اخلطي بشر الليمون مع بشر البرتقال ثم أضيفي الدقيق وعصير الليمون والبرتقال وأخيراً الزيت.. افركي وجهك بهذا المزيج بعد وضع رغوة الصابون ولإزالته اشطفيه بالماء الفاتر..
خلّي بالك...

إذا كان فيه تراكم ملحوظ للخلايا الميتة على سطح الجلد.. بعد عملية الفرك افردي طبقة من القشطة على وجهك لمدة ثلاث دقائق...

جربي الماسك ده مرة كل أسبوع

ماسك إنما إيه

ماسكات للبشرة الجافة Kamar_02

أما الماسك ده فهو ماسك هايل جدا لأنه بيساعدك على تنعيم البشرة وإمدادها بالدهون اللي بتكون البشرة محتاجة ليها، وده لأنه بيجمع بين العسل وزيت الزيتون..

ومكوناته هي:

ملعقة كبيرة من الخميرة المذابة في مقدار ملعقتي طعام من الماء الفاتر.
ملعقة صغيرة من العسل.
نصف ملعقة كبيرة من زيت الزيتون.
ملعقة صغيرة من خل التفاح.
قليل من (الدقيق).

وعشان تحضريه..

امزجي المكونات مع بعضها البعض وأضيفي الدقيق بشكل تدريجي حتى يتماسك المزيج.

ضعي الماسك على وجهك لمدة سبع دقائق..

كرري الماسك ده مرتين في الأسبوع..

ماسك للبشرة الجافة زيادة عن اللزوم

ماسكات للبشرة الجافة Kamar_04

وعلشان البنات اللي بيعانوا من مشكلة جفاف البشرة زيادة عن اللزوم... ده ماسك غني بالزيوت الطبيعية المفيدة للبشرة واللي بتساعد على حمايتها من الجفاف...

ومكوناته هي:

ملعقة كبيرة من زيت الزيتون.
ملعقة كبيرة من الفازلين Vaseline .
ملعقة كبيرة من الخميرة المذابة بمقدار ملعقتين من الحليب الفاتر.

وعشان تحضريه..

امزجي الفازلين مع الزيت ثم أضيفي الخميرة مع مواصلة التحريك وأخيراً أضيفي قليلا من الدقيق حتى يتماسك المزيج.

ضعي الماسك على وجهك واتركيه لمدة 10 دقائق ثم اغسليه..

كرري الماسك ده يومين في الأسبوع وإنتِ تشوفي الفرق بنفسك..

ماسك للبشرة الجافة اللي بتتشقق وبتحمر

ماسكات للبشرة الجافة Kamar_05

أما لو كنتِ من الناس اللي بشرتها من شدة الجفاف ممكن إنها تشقق وتحمر وبتلاقي نفسك مش عارفة تعملي إيه؟؟؟

ولا يهمك من حاجة خالص لأن الماسك ده هيحل لك المشكلة دي نهائي..

ومكوناته هي:

ملعقة كبيرة من (الدقيق).
ملعقة كبيرة من الفازلين.
ملعقة صغيرة من العسل.
ملعقة كبيرة من الأرز الناعم.
3 ملاعق كبيرة من الحليب السائل.

وعشان تحضريه..

امزجي المكونات حتى تتماسك.. ضعي الماسك على وجهك واتركيه لمدة 7 دقائق ثم اغسليه..

كرري الماسك ده مرتين في الأسبوع لمدة شهر وإن شاء الله تلاقي نتيجة هايلة..

ماسك لمحاربة التجاعيد

ماسكات للبشرة الجافة Kamar_06

كتير من أصحاب البشرة الجافة نتيجة لتعرض بشرتهم بصفة مستمرة للجفاف والتشقق ممكن إنهم يصابوا بتجاعيد مبكرة وهم لسه في سن صغير علشان كده لازم يهتموا ببشرتهم عن طريق عمل ماسكات لمكافحة ظهور التجاعيد المبكرة..

وده ماسك من الماسكات اللي ممكن إنك تجربيها لو لقيتِ التجاعيد ظهرت في وشك وإنتِ لسه صغيرة..

والماسك ده مكوناته هي:

ملعقة كبيرة من الخميرة.
قليل من الحليب لتذويب الخميرة.
ملعقة صغيرة من العسل.
ملعقة كبيرة من الزبادي.

وعشان تحضريه..

اخلطي المكونات جيداً حتى يتماسك المزيج.. ضعي الماسك على وجهك واتركيه لمدة 7 دقائق..

كرري الماسك ده مرة كل أسبوع...

ماسك لتفتيخ البشرة وترطيبها

ماسكات للبشرة الجافة Kamar_08

كلنا بنهتم جدا بتفتيح بشرتنا وبنحاول طول الوقت ندور على كريمات للتفتيح وده مع الوقت خطر عشان كده هنقول لكم على ماسك طبيعي بيفتح البشرة وينعمها ويرطبها بطريقة لطيفة وآمنة مافيش فيها أي أضرار..

ومكوناته هي:

ملعقة صغيرة من العسل.
نقطتان من زيت الزيتون.
4 ملاعق كبيرة من عصير الخيار.
زلال بيضة واحدة.
ملعقة كبيرة من الدقيق.
ملعقة صغيرة من الزبادي.
ملعقتان كبيرتان من ماء الأرز المسلوق والمهروس.

وعشان تحضريه..

اخفقي المكونات جيداً بالخلاط وأضيفي عصير ليمونة وعصير برتقال حتى يتماسك المزيج..

ضعي الماسك على وجهك واتركيه لمدة 5 دقائق..

كرري الماسك ده مرتين في الأسبوع...

ماسك لإضفاء النضارة على البشرة قبل المكياج والمناسبات

ماسكات للبشرة الجافة Kamar_09

ساعات كتير تبصي لنفسك في المرايا تحسي إن بشرتك لونها شاحب أو أصفر شوية.. والمشكلة الأكبر بقى لو كان عندك سهرة وعايزة تحطي مكياج وحاسّة إنك لو حطيتِ مكياج فالمكياج هيخلي بشرتك تبان أكثر شحوبا..

أكيد كلنا اتعرضنا للموقف ده، بس ولا يهمك ده ماسك ممكن إنك تحطيه قبل المكياج وعلى فكرة الماسك ده غني بفيتامين C.

ومكوناته هي:

صفار بيضه طازجة.
نقطتان من زيت اللوز.
نقطتان من عصير الليمون.
نقطتان من عصير البرتقال.
½ ملعقة صغيرة من ماء الورد.
½ ملعقة صغيرة من ماء الزهر.
ملعقة صغيرة عسل.
بشر قشرة ليمونة.
قطعة من الزبدة أو مقدار ملعقة كبيرة من القشطة.
ملعقة كبيرة من (الدقيق).
حليب سائل.

وعشان تحضريه..

يتم تحضير الماسك على مرحلتين:

في المرحلة الأولي: يخفق صفار البيض مع الزيت وعصير الليمون وعصير البرتقال ثم يضاف إلى المزيج ماء الورد وماء الزهر وأخيراً العسل وبشر الليمون.

في المرحلة الثانية: تذوب قطعة صغيرة من الزبدة أو يوضع مقدار ملعقة كبيرة من القشطة على النار ويضاف إليها مقدار ملعقة كبيرة من الدقيق ويحرك المزيج على طريقة الصلصة البيضاء وأخيراً يضاف قدر من الحليب السائل حتى يصبح المزيج لزجاً مثل لبن الزبادي.

يخلط المزيج اللي حضرناه في المرحلة الأولى مع مزيج المرحلة الثانية كويس حتى يتماسك ويصبح جاهزاً للاستعمال، ويمكن تقسيم المزيج النهائي إلى عدة أقسام تحفظ داخل أكياس نايلون في الثلاجة بحيث يكفي كل قسم لتشكيل ماسك الوجه.. ضعي الماسك على وجهك واتركيه لمدة 15 دقيقة.

تابع

آخر مواضيعي0 كريمة أو فوندانت الشوكولا المصبوبة...Choclate Poured Fondant
0 أرز بأصابع البطاطس ( هندي )
0 TeXaS Fries
0 الدجاج بالطريقة الإيطالية الحارة
0 كيـــــــــــــــــــك
0 السمك المحمر
0 حلقات البصل
0 السمك بنكهة الكاري
0 كفتة الدجاج
0 كيكة الموز باللوز و الجوز
التعديل الأخير تم بواسطة rooosh ; 08-03-2007 الساعة 10:36 PM
ماسكات للبشرة الجافة Diggماسكات للبشرة الجافة Deliciousماسكات للبشرة الجافة Technoratiماسكات للبشرة الجافة Furl
ماسكات للبشرة الجافة Quote
الرجوع الى أعلى الصفحة اذهب الى الأسفل
https://riri.gid3an.com
 
ماسكات للبشرة الجافة
الرجوع الى أعلى الصفحة 
صفحة 1 من اصل 1
 مواضيع مماثلة
-
» وصفات للبشرة الدهنية

صلاحيات هذا المنتدى:لاتستطيع الرد على المواضيع في هذا المنتدى
منتدى ريرى :: الفئة الأولى :: منتديات ريرى للاناقة والجمال :: ركن العناية بالبشرة-
انتقل الى: